برانڈ بنگلورو توسیع سے پہلے شہر کے بنیادی مسائل کو حل کیا جائے: افسر کوڈلی پیٹ کا مطالبہ

بنگلور: (پریس ریلیز) سوشل ڈیموکریٹک پارٹی آف انڈیا (SDPI) کی27۔ 2024 کی میعاد کے لیے نو منتخب برانچ کے عہدیداروں اور وارڈ کمیٹی کے رہنماؤں کے ساتھ ایک میٹنگ منعقد ہوئی جس کی صدارت ضلع صدر سید محبوب ے کی۔

مہمان خصوصی ایس ڈی پی آئی ریاستی جنرل سکریٹری افسر کوڈلی پیٹ نے موجودہ حالات میں متبادل سیاست کی ضرورت کے بارے میں نومنتخب لیڈران سے خطاب کیا۔ انہوں نے شہر میں جاری مسائل پر روشنی ڈالی، جن میں بے قاعدہ فضلہ جمع کرنا، کئی علاقوں میں پانی کی قلت، برساتی پانی کی ناقص نکاسی، بلڈنگ بائی لاز کی خلاف ورزی، غیر قانونی پارکنگ، اور فٹ پاتھوں پر تجاوزات شامل ہیں۔انہوں نے سٹریٹ لائٹس، ناقص پبلک ورکس، جھیلوں میں آلودگی اور افسروں کی لاتعلقی کے مسائل کی نشاندہی کی۔ انہوں نے بی بی ایم پی (بروہت بنگلورو مہانگرا پالیکے) پر زور دیا کہ وہ ان بنیادی مسائل کو حل کرنے کے لیے کارروائی کرے، اس طرف نشاندہی کرتے ہوئے کہ برسوں سے کونسل کے انتخابات نہیں ہوئے ہیں۔ریاستی سکریٹری عبدالرحیم پٹیل نے موثر قیادت پر تربیت فراہم کی۔ میٹنگ میں ریاستی سکریٹری اور بی بی ایم پی کے سابق کارپوریٹر اور ہیلتھ اسٹینڈنگ کمیٹی کے چیئرمین مجاہد پاشا؛ ریاستی کمیٹی کی رکن پروفیسر نازنین بیگم۔ ضلعی نائب صدر فیاض احمد، ضلعی جنرل سیکرٹریز خواجہ معین الدین اور سلیم احمد اور دیگر ضلعی رہنما موجود رہے۔