گفتگو کا یہ تماشا نہیں دیکھا جاتا

شہناز عِفّت ممبئی 

گفتگو کا یہ تماشا نہیں دیکھا جاتا
ان کی باتوں کا سلیقہ نہیں دیکھا جاتا

اس لئے شعروں کی اصلاح کیاکرتی ہوں
مجھ سے فن میں کوئی شوشہ نہیں دیکھا جاتا

آپ مسکان ذرا لب پہ سجائیں اپنے
آپ کا اترا یہ چہرا نہیں دیکھا جاتا

اے خدا بھیج دے اب بارش رحمت کوئی
دھوپ سے جلتا یہ صحرا نہیں دیکھا جاتا

آپ اپنی یہ محبت کی نشانی لےلو
ہم سے یہ پیار کا تحفہ نہیں دیکھا جاتا

روشنی چھین لے تو مجھ سے خدایا میری
"مجھ سے اب خون تمنا نہیں دیکھا جاتا”

ہائے وہ جلنے لگے میری غزل گوئی سے
ان سے عفت کا یہ جلوہ نہیں دیکھا جاتا

شہناز عِفّت
ممبئی