فلسطینی شہداء کا خون رائیگاں نہیں جائے گا:حماس

On ستمبر 12, 2022

Women wear face mask as they waiting at the registration station of the Central Elections Commission to register their names to the electoral roll, at Gaza City, Feb. 10, 2021. Palestinian poll workers fanned out across the Gaza Strip on Wednesday, where they found voters eager to register ahead of elections that could serve as the first referendum on Hamas' rule since the militant group seized power more than a decade ago. (AP Photo/Adel Hana)

آن لائن نیوزڈیسک
اسلامی تحریک مزاحمت ’’حماس‘‘نے شہید حماد ابو جلدہ کی اسرائیلی فوج کے ہاتھوں شہادت پر اپنے رد عمل میں کہا ہے کہ فلسطینی قوم کے شہدا کا خون رائیگاں نہیں جائے گا۔خیال رہے کہ فلسطینی نوجوان حماد ابو جلد گذشتہ روز اسرائیلی فوج کی فائرنگ سے زخمی ہونے کے بعد اسپتال میں دم توڑ گئے تھے۔ابو جلدہ کی شہادت کے رد عمل میں حماس نے کہا کہ ابو جلدہ کا خون دیگر شہدا کے خون میں شامل ہوکرتحریک آزادی کو مزید جلا بخشے گا۔ تمام فلسطینی شہدا کا خون ایک روز ضرور رنگ لائے گا۔بیان میں کہا گیا ہے کہ فلسطینی نوجوانوں کی اسرائیلی فوج کے ہاتھوں بے دردی سے شہادتوں کے واقعات سے فلسطینی قوم کی آزادی کی تحریک کمزور نہیں ہوگی۔ حماس نے فلسطینی قوم پر اپنی صفوں میں اتحاد کی ضرورت پر زور دیا۔خیال رہے کہ سابق اسیر حماد مصطفیٰ ابو جلدہ کو اسرائیلی فوج نے گزشتہ بدھ کو صبح سویرے گولیاں ماریں جس کے بعد اسے شدید زخمی حالت میں اسپتال میں منتقل کیا گیا جہاں وہ کل اتوار کو اسپتال میں جام شہادت نوش کرگیا۔