جامعہ اشاعت العلوم سمستی پور میں پرچم کشائی کی تقریب
سمستی پور(پریس ریلیز)
جامعہ اشاعت العلوم سمستی پور کرہوا برہیتا وایا کلیان پور میں سابقہ روایات کی طرح اس سال بھی پرچم کشائی کی تقریب منعقد ہوئی کیونکہ آزاد ہندوستان کی تاریخ میں 15اگست کا دن نہایت اہمیت کا حامل رہا ہے ۔باشندگان ہند15 اگست کو یوم ازادی کے طور پر مناتے ہیں اسی روایت کے پیش نظر جامعہ ہذا میں پرچم کشائی کا عمل جامعہ ہذا کے نائب ناظم ماسٹر محمد امتیاز کے ہاتھوں انجام پایا،ترانۂ ہند عزیزم عبداللہ اور ذکراللہ سلمہما نے مشترکہ طور پر پیش کیا۔ عزیزم عبدالواحد،ابو سعد اور مشاہد سلہم نے یوم آزادی کے عنوان سے تقریریں پیش کیں پھر جامعہ ہذا کے ناظم تعلیمات مولانا عبدالکریم قاسمی نے تاریخ جشن یوم آزادی کو تفصیل سے بیان کیا اورطلبہ و مہمانان عظام کو تاریخ یوم آزادی سے آگاہ کیا۔
جامعہ ہذا کے ناظم قاری ممتاز احمد جامعی، جنرل سکریٹری الامداد ایجوکیشنل اینڈ ویلفیئر ٹرسٹ کی غیر موجودگی میں تقریب کو کامیاب بنانے میں صدر مدرس حافظ محمد فخرعالم ،مفتی محمد عاشق الہی قاسمی اورحافظ محمد ارشد پیش پیش رہے ۔
شرکائے مجلس میں اساتذۂ جامعہ کے علاوہ پرویز عالم ودیگر حضرات کی موجودگی باعث مسرت رہی اور اخیر میں نائب ناظم جامعہ نے مہمانوں کا شکریہ ادا کیا اور مٹھائی کی تقسیم کے ساتھ پروگرام ختم ہوا۔
Comments are closed.