این آئی اے کا بڑاآپریشن:آئی ایس آئی ایس کے شبہ میں مہاراشٹراورکرناٹک میں 40سے زائدمقامات پرچھاپے،ایک درجن سے زائدافرادحراست میں

ممبئی (ایجنسی) این آئی اے نے دہشت گرد تنظیم آئی ایس آئی ایس کی طرف سے ملک بھر میں دہشت گردانہ حملوں کو انجام دینے کی سازش سے متعلق ایک معاملے میں سینچر کومہاراشٹراورکرناٹک میںتقریبا44مقامات پر چھاپے مارے۔ این آئی اے کے اعلیٰ افسران نے کرناٹک میں 1، پونے میں 2، تھانے گاؤں میں 31، تھانے شہر میں 9 اور بھائیندر میں 1 مقام پر چھاپہ مارا۔ اس دوران افسران نے 13 افراد کوحراست میں لیاہے۔این آئی اے ملک میں دہشت گردی اور تشدد پھیلانے کے لیے دہشت گرد تنظیم آئی ایس آئی ایس کی منصوبہ بندی کو ناکام بنانے کے لیے وسیع پیمانے پر چھان بین کررہی ہے۔
این آئی اے کی ٹیم نے مہاراشٹر کے کولہاپور ضلع میں ملزم راہول تانا جی پاٹل عرف “جاوید”، اتر پردیش کے شاہجہاں پور ضلع میں وویک ٹھاکر عرف “آدتیہ سنگھ” اور کرناٹک کے بلاری ضلع میں مہیندر سے جڑے کئی مقامات کی تلاشی لی۔
بتاتے چلیں کہ اس سے پہلے نیشنل انویسٹی گیشن ایجنسی نے جموں و کشمیر کے شوپیاں ضلع میں چھاپے مارے تھے۔ این آئی اے نے منگل کو وادی کشمیر کے پانچ اضلاع میں انسداد دہشت گردی کے ایک معاملے میں اپنی تحقیقات کے حصے کے طورپر کئی مقامات پر چھاپے مارے۔ افسران نے جانکاری دیتے ہوئے کہا کہ این آئی اے کے اہلکاروں نے وادی کے بارہمولہ، گاندربل، کپواڑہ، پلوامہ اور شوپیاں اضلاع میں چھاپے مارے ہیں ۔