صدر جمعیۃ علماء ہندمولاناارشدمدنی کو صدمہ، چھوٹی ہمشیرہ کا انتقال

دیوبند(سمیر چودھری؍بی این ایس)
انتہائی افسوس کے ساتھ یہ خبر دی جارہی ہے کہ شیخ الاسلام حضرت مولانا سید حسین احمد مدنیؒ کی صاحبزادی اور جمعیۃ علماء ہند کے قومی صدر مولانا سید ارشد مدنی کی چھوٹی ہمشیرہ و صدر جمعیۃ علماء ہند مولاناسید محمود مدنی کی پھوپھی کا آج بدھ کے روز بعد نماز مغرب یہاں محلہ خانقاہ میںو اقع مدنی منزل میں طویل علالت کے باعث انتقال ہوگیاہے،انا للہ و اناالیہ راجعون ۔ ان کے انتقال کی خبرسے علاقہ کا ماحول غمگین ہوگیا، سرکردہ شخصیات، علماء کرام ،طلبہ و اساتذہ اور ذمہ داران دارالعلوم دیوبندو مدنی خاندان کی جملہ شخصیات نے حضرت مولانا سید ارشد مدنی کی رہائش گاہ پر پہنچ کر اظہار افسوس کیا۔مدنی منزل پر معزز شخصیات اور علماء کرام کا تعزیت کے لئے تانتا لگا ہواہے۔بتایا گیا کہ مرحومہ کی عمر تقریباً70؍ سال تھیں اور وہ گزشتہ کافی عرصہ سے سخت علیل تھیں اور حضرت مولاناسید ارشد مدنی کے ساتھ ہی رہتی تھیں۔ مرحومہ انتہائی نیک سیرت اور خاندانی اوصاف والی خاتون تھیں۔ان کے انتقال سے مدنی منزل کا ماحول مغموم ہے۔ نماز جنازہ دیر شب احاطہ دارالعلوم دیوبند میں اداکی گئی اور قاسمی قبرستان میں تدفین عمل میںآئی۔