پریس اینڈ میگزین رجسٹریشن بل لوک سبھا سے منظور

نئی دہلی، 21 دسمبر (یو این آئی) لوک سبھا نے اخبارات، میگزین وغیرہ شائع کرنے والے لوگوں کے لیے رجسٹریشن کے عمل کو آسان بنانے والے ‘پریس اور میگزین رجسٹریشن بل 2023’ جمعرات کو صوتی ووٹ سےمنظور کردیا، راجیہ سبھا مانسون سیشن میں ہی اس بل کو پاس کرچکی ہے۔ اطلاعات و نشریات کے وزیر انوراگ سنگھ نے پریس اینڈ پیریڈیکل رجسٹریشن بل 2023 پر بحث کا جواب دیتے ہوئے کہا کہ رجسٹریشن کے لیے لوگوں کو بار بار چکر لگانے پڑتے تھے اور ضلع افسر کی اجازت کا انتظار کرنا پڑتا تھا؛ لیکن اب اسے آسان کر دیا گیا ہے، ترمیم کی گئی اور ان تمام قوانین کو ہٹا دیا گیا ہے جو اس میں غیر ضروری رکاوٹیں تھیں؛ اب آن لائن منشور کے ذریعے اخبارات شائع کرنے کے خواہش مند افراد کو آر این آئی کے چکر لگانے کی ضرورت نہیں پڑے گی۔