خورشیدساحل نے سارن میں ادب کی شمع روشن رکھی:محمدکوثرمعروف شاعرکے انتقال پرعطاایجوکیشنل اینڈویلفیئرٹرسٹ کااظہارتعزیت

نئی دہلی19اکتوبر(پریس ریلیز)

سارن،چھپرہ، بہارکے معروف شاعرخورشیدساحل اپنے علاقے میں معروف شخصیت کے حامل تھے،انہوں نے ادبی دنیامیں اپنی شناخت قائم کرلی تھی۔وہ سنجیدہ اور مقبول شاعرتھے۔ان کے انتقال سے بہارنے اپنی ایک ادبی شخصیت کوکھودیاہے۔وہ کل ہندسطح کے مشاعرے میں بھی کلام سناتے تھے اورپسندکیے جاتے تھے۔ خوب صورت لب ولہجہ کے مالک تھے۔انہوں نے چھپرہ،سارن میں ادب کی شمع روشن رکھی۔وہ مختلف ادبی محفل سجاتے رہتے۔ان خیالات کااظہارعطاایجوکیشنل اینڈ ویلفیئر ٹرسٹ کے جنرل سکریٹری محمدکوثرنے اپنے تعزیتی بیان میں کیا۔

محمدکوثرنے اپنے بیان میں یہ بھی کہاکہ مولانا مظہرالحق کے یوم پیدائش پرمنعقدآل انڈیا مشاعرہ کے کوآرڈینٹررہے۔۔وہ اپنے علاقے کے ادبی وعلمی حلقوں میں مقبول تھے۔ان کی سحرانگیزآوازسامعین پرسحرطاری کردیتی تھی۔جناب خورشیدساحل سے میری ملاقات ہوئی ہے۔وہ جتنے سلجھے ہوئے شاعرتھے،ذاتی زندگی میں بھی اتنے ہی سنجیدہ اورباوقارتھے۔ان کی ملاقات نے مجھے کافی متاثرکیا۔ان کے احباب کادائرہ وسیع ہے۔ان کے انتقال پر مختلف حلقوں نے تعزیت کااظہارکیاہے۔ساحل صاحب عرصہ سے بیمارتھے اورزیرعلاج تھے۔ان کے پسماندگان میں اہلیہ، تین بیٹے اورتین بیٹیاں اورنواسے نواسیاں ہیں۔ محمد کوثرنے کہاکہ ہم اس موقع پران کے اہل خانہ کوتعزیت پیش کرتے ہیں،اللہ تعالیٰ ساحل صاحب کی مغفرت فرمائے اور پسماندگان کو صبرجمیل عطا فرمائے۔آمین