جامعہ مظاہرعلوم سہارنپور کےناظم اعلٰی وشیخ الحدیث حضرت مولاناسیدمحمدعاقل صاحب نوراللہ مرقدہ کےسانحۂ ارتحال پرجامعہ سراج العلوم بھیونڈی میں تعزیتی نشست

حضرت مولانا حلیم اللہ صاحب قاسمی(صدر المدرسین جامعہ سراج العلوم بھیونڈی وصدرجمعیۃ علماءمہاراشٹر نےاس سانحہ کوعلمی حلقوں اورامت کےلئےناقابلِ تلافی خسارہ بتایا
بھیونڈی(پریس ریلیز)جامعہ مظاہرعلوم سہارنپور کےناظم اعلٰی وشیخ الحدیث، برِصغیرکےممتازعالم دین حضرت مولاناسیدمحمدعاقل صاحب نوراللہ مرقدہ(رکنِ مجلسِ شوریٰ ام المدارس دارالعلوم دیوبند) کےسانحۂ ارتحال سےعلمی دنیامیں جوخلاپیداہوااورخدمتِ قرآن وسنت کےمیدان میں جوخسارہ امت کاہواہےاس کی تلافی ناممکن نظرآتی ہے۔ حضرت مولاناسیدمحمدعاقل صاحب نوراللہ مرقدہ حضرت شیخ الحدیث مولانامحمدزکریاصاحب رحمۃ اللہ علیہ کےتلمیذِرشیداورحضرت شیخ کےدامادہونےکےساتھ ساتھ حضرت کی تصنیفات وتالیفات کی جمع وترتیب میں معتمددست وبازوبنےرہےاورخود حضرت مولاناسیدمحمدعاقل صاحب کےاشہب قلم سے عربی اوراردوشروحات وتالیفات کاجوذخیرہ معرضِ وجود میں آیاخاص طورپر الفیض السماوی شرحِ نسائی(عربی میں)اورالدرالمنضودشرح ابی داؤد(اردومیں)وہ یقیناًصرف اربابِ مظاہرعلوم سہارنپورہی کےلئےنہیں دنیابھرکےعلمی حلقوں کےلئےمایۂ نازوباعثِ صدافتخاراثاثہ ہے،ان باتوں کااظہاربڑی خوبصورتی کےساتھ جامعہ سراج العلوم بھیونڈی کےصدرالمدرسین حضرت مولانا حلیم اللہ صاحب قاسمی دامت برکاتہم العالیہ(صدرجمعیۃ علماءمہاراشٹر) نےجامع کی وسیع وعریض مسجدمیں حضرت مولاناسیدمحمدعاقل صاحب نوراللہ مرقدہ کےسانحۂ ارتحال پرمنعقدہ مجلسِ ایصالِ ثواب ودعائےمغفرت(تعزیتی نشست) میں بیان فرمائیں ۔
تقریباًایک گھنٹہ جامعہ کےطلباءواساتذہ کرام نےقرآن کریم کی تلاوت کی اورحضرت مولاناسیدمحمدعاقل صاحب نوراللہ مرقدہ کےلئےخصوصاًاورپوری امتِ مرحوم کےلئےعموماًایصالِ ثواب کیا حضرت مولانا حلیم اللہ صاحب قاسمی نےدعاکرائی اوریہ نورانی تعزیتی مجلس اختتام پذیر ہوئی
لَولگاتےہوکیوں اس جہاں سے
ربط ٹوٹےگااس گلستاں سے
موت سےکس کوہےرستگاری
آج وہ کل کوہےاپنی باری
ہاتھ دھوئیں گےسب اپنی جاں سے
ربط ٹوٹےگااس گلستاں سے
لَولگاتےہو کیوں اس جہاں سے
Comments are closed.